Жаныңда жүр жақсы адам

Ахмет Байтұрсынұлы атындағы гимназияның педагог-психологы Сәбира Егентай мен әлеуметтік педагог Гүлмира Жұмаділованың ұйымдастыруымен гимназиядағы әлеуметтік аз қамтылған отбасына көмек берейік деген үндеуіне гимназия ұжымы бірауыздан атсалысып, аз күннің ішінде біраз қаражат жиналды. Бұл қаржыға гимназияда оқитын оқушыға 60000 тг көлемінде смартфон алынып, балаларға базарлық ретінде тәттілер алынды. Мұндай сыйлыққа ие болған оқушымыздың қуанышында шек болмады. Сонымен бірге балаларға киімдер берілді.
Сонымен қатар, гимназия мұғалімдерінен құралған ерікті топ аталған отбасына барып толық сырлау-ақтау жұмыстарын жүргізіп шықты. Сауапты іске атсалысқан: Сәбира Егентай, Анар Қанатбек, Әсел Тұрғанбек, Сандуғаш Сыйхымбай, Надира Сайдуллаева, Айжан Әбдірайым, Ербол Омаров, Нұржан Ахмет, Қайрат Базаров, Нұрлыбек Өзбек, Еркін Алпысбаевтарға гимназия директоры Дүйсенбек Нұрбалтаев үлкен алғыс білдіре отырып, алдағы уақытта да мұндай жұмыстарға жан-жақты қолдау білдіретінін атап өтті.

Абзал Еркимбеков

директордың құқықтық тәрбие ісі жөніндегі орынбасары